top of page
Search

低密度心理治療 001: 你健康嗎?

Writer's picture: Wellness Travellers 心旅Wellness Travellers 心旅



你覺得自己健唔健康💪🏻,0-10分你會比幾多?


健康係咪淨係指身體健康?究竟健康係點介定㗎呢?🤔世界衛生組織定義「健康」為個人在生理、心理及社交三方面達致和諧、安寧狀態。


宜家再比一次分,今次比3個分 - 生理健康🏃🏻‍♂️、心理健康💗及社交健康🤝,0-10分你會比幾多?


點解你會比呢個分數?係咩嘢令你比唔到10分滿分呢?作為一個忙碌嘅香港人🇭🇰,當我哋停落嚟,認真審視吓自己嘅人生,就會發現原來自己可能真係幾唔健康。


唔知你有無聽過藍色慢活區(Blue Zones)?嗰度嘅居民以長壽嘅特質聞名世界,不論是已經步入中年嘅人士,甚至係百歲人瑞,都仍然能夠保持健康與活力。


藍色慢活區包括咗香港人好鍾意嘅🇯🇵日本沖繩、🇨🇷哥斯達黎加嘅尼科亞半島、🇮🇹意大利薩丁尼亞島及地中海一帶嘅🇬🇷希臘伊卡利亞島。專家發現呢啲長壽嘅居民都有一啲顯著嘅共同特質:


慢活減壓🎐🧘🏻‍♀️

壓力會誘發衰老和疾病。藍色慢活區嘅生活節奏緩慢,識得減壓,好似沖繩嘅婦女會學茶道🍵,地中海地區的人一般有小睡嘅習慣💤


均衡健康嘅飲食習慣🍽️🥢

地中海地區居民95%食物主要是植物和豆類🥗,其次係深海魚🍣,肉類每月只會進食5次🥩,仲會將堅果當零食🌰。 沖繩有一句方言:「腹八分目」,意思係「只吃八分飽」🍙


運動融於生活⛰️🤸🏻

藍色慢活區的自然生活環境,令居民們好自然咁養成經常活動的生活習慣,將運動融入生活🚴🏻‍♂️


成日同親朋戚友傾八卦🗣️👂🏻

緊密嘅家庭和鄰里關係好重要㊙️。沖繩人好少會感覺寂寞💬,因為佢哋非常重視好友,甚至比咗個名稱呼呢群人生摯友為「もあい🫂」(moai)


健康唔只係身體冇病冇痛,仲要有健康嘅心理同埋社交。就算你無情緒上嘅困擾,仍然可以養生養心🌱。想知道更多關於低密度心理治療或者點樣提升心理健康嘅資訊?記得繼續留意我哋嘅post啦! 😉

20 views0 comments

Recent Posts

See All

コメント


  • Instagram
  • Facebook
  • Whatsapp
acknowledgement line_20200316.png

​聯絡我們:

電郵:wellnesstravellers@gmail.com

電話:5375 7909 

心旅心理有限公司已致力確保心旅網頁所載的資料準確無誤,但不能保證所有資料的完整度,亦不能確保本網站的資料適用於任何人。

本網站的資訊會儘快更新以確保準繩度,但心旅心理有限公司並不保證所有資料在任何時刻都最準確,亦不會因而承擔任何責任。本網站不會為連結提供的第三方網站的任何失誤負責。

本網站的資訊僅供教育和初步參考用途,並不能代替專業診斷。如讀者有任何健康問題,應盡快尋求專業人士的協助,而不是單靠本網站所提供的資訊。心旅心理有限公司並不會對使用本網站而引致的損失或損害作出賠償,或承擔任何法律責任。

© 2024 by Wellness Travellers Psychological Services Co. All Right Reserved.

bottom of page