top of page
Search

自我關懷篇003 :以善待朋友嘅方式善待自己



如果最近你經歷緊一啲挫敗或令你失望嘅處境,引發左一啲批評自己、覺得自己做得唔夠好,甚至係覺得自己好冇用嘅諗法,我哋想邀請你試吓用自我關懷入面三大技巧嘅其中之一,就係嘗試以善待朋友嘅方式去善待自己。



搵一個舒服安全嘅空間坐低,嘗試諗一個你好關心嘅朋友或家人,然後幻想一下你而家所面對嘅困難或挫敗係發生喺呢位朋友身上,你即時嘅反應會係點?可能你會替佢難過或為佢感到不值,又或者你會好想為佢做啲嘢嚟減輕佢嘅痛苦,例如喺佢身邊陪住佢、拍下佢膊頭,或者比一個簡單嘅擁抱佢。具體咁幻想一下你會想點樣開解同埋祝福佢,然後嘗試調轉,以呢啲方式好好開解同祝福自己,例如簡單用雙手溫柔咁抱下自己、輕輕用手心嘅微暖呵返自己嘅心,喺心入面祝福自己:「願我平安、快樂」,又或者寫一封支持鼓勵自己嘅信俾自己。唔好睇小呢啲小練習呀!佢哋全部都符合腦神經科學嘅原則去幫我哋更平靜同更有動力去解決問題㗎。



8 views0 comments

Recent Posts

See All

Comentários


bottom of page