top of page
Search

探討壓力篇 002:壓力是好是壞?



「原來呢種就係壓力嘅感覺... …」輕鬆星人慨嘆。呢一刻,佢嘅內心好似有股動力驅使佢選擇一個最適合嘅行動:走先!望見熊熊火光,似乎去挽救剩餘嘅飛船殘骸亦已經不切實際,都係確保自身安全最好。畢竟留得青山在,哪怕冇柴燒呢?

果不其然,飛船著火處好快又迎嚟更大嘅爆炸,好彩走得快!


對於輕鬆星人嚟講,冇承受過壓力嘅佢從來做事都求求其其,得過且過,所以任何事都做得好輕鬆。今次係佢第一次從選擇中獲得成就感,因為佢覺得自己咁短時間下做咗個好好嘅決定。當佢地一行人走到安全嘅地方之後,輕鬆星人終於開始放鬆落嚟,慢慢唔再繃緊。

其實當我哋遇到實際嘅危險,或預計將會遇上危機嘅時候,身體嘅內在平衡(homeostatic balance)會受到干擾,就好似我哋內在嘅天秤忽然加咗幾個砝碼。一旦發現危機,我哋嘅身體就會作出反應,而呢種反應就係壓力,督促我哋去應付有機會傷害我哋嘅事物。喺處理好呢啲危機後,我哋嘅身體就會嘗試恢復內在平衡。

「有壓力去推動我真係好!真係想日日都有壓力!」輕鬆星人一邊抹走汗水,一邊好興奮咁講。


「呃...」三個地球人互相對視,然後解釋:「雖然壓力可以作為我哋做好事情嘅推動力,但長時間積累壓力有機會令我哋身體負荷唔嚟,失去平衡,搞到情緒爆煲!」

單一次嘅壓力事件可能冇乜嘢,但如果壓力不斷累積呢?想像一下,每個人都係一個有限容量嘅 桶。我哋所有嘅日常壓力同瑣事就好似水咁不斷流入桶內。如果我哋冇有效的方法嚟應對呢啲壓力源,咁桶入面啲水就唔會減少,最終滿瀉,我哋可能會感受到非常強烈嘅情緒反應,最終情緒爆煲。

如果我哋有有效嘅壓力應對策略,就好似喺桶邊安裝咗一個水龍頭。只要我哋定期運用應對壓力策略,就等於定期打開水龍頭,等桶中嘅水可以流出,令壓力不至於爆煲。

只要定時留意自己嘅心理狀況,多運用應對壓力策略,我哋就唔使太擔心水會瀉出嚟啦!


「咁樣嘅話,有啲咩應對壓力策略可以幫我哋緩解壓力呢?」輕鬆星人問。


【...待續】



















5 views0 comments

Recent Posts

See All
bottom of page