top of page
Search

逃出焦慮篇 003 : 個人壓力大到好似Hang機咁?

Writer's picture: Wellness Travellers 心旅Wellness Travellers 心旅


上次提到當面對壓力或者焦慮緊張嘅時候,我哋都會出現一啲生理反應,如呼吸與心跳加快等。而呢個「戰鬥或逃跑反應」機制,其實係我哋天生嘅警報系統,喺人類生存嘅本能,亦為左保護我哋遠離危險同威脅。

喺遠古時期,原始人經常喺大自然遇到各種猛獸,而呢個保護機制就透過調動身體內所有可用嘅資源,例如呼吸加快,運輸更多氧氣到體內,為四肢肌肉提供更多嘅能量;心跳加速,讓更多血液流動到肌肉同器官,令原始人有力量拼死一搏或者逃命,大大提高了我哋祖先嘅存活率。

不過,嚟到現代,我哋幾乎唔會喺日常生活遇到猛獸;相反,而家我哋要面對嘅「猛虎野獸」就變成左考試、工作或者係家庭等等……當面對呢啲現代環境嘅壓力,我哋無辦法好像原始人一樣,用呢種機制嚟解決去快速解決壓力源。例如唔鐘意返工,當然唔可以就咁逃走咗;同另一半有衝突,都唔可以同佢打交。

而呢啲慢性壓力會積存落嚟,遲遲得唔到解決;壓力機制就好似個警鐘咁,長時間開著咗,身體就會冇得熄機休息。久而久之,就會對我哋嘅身心帶嚟影響。電腦長期唔熄機都會Hang機啦,更何況係我哋呢!喺呢個時候,身體嘅「紓緩機制」就幫到我哋喇!

佢都係天生嘅本能,同「戰鬥或逃跑反應」機制互相補充,就好似個剎車制咁,會令我哋身心放鬆休息,帶動呼吸同心跳回復正常、放鬆肌肉。想知個「制」要點用,咁就要密切留意我哋下個post喇!

8 views0 comments

Recent Posts

See All

Comments


  • Instagram
  • Facebook
  • Whatsapp
acknowledgement line_20200316.png

​聯絡我們:

電郵:wellnesstravellers@gmail.com

電話:5375 7909 

心旅心理有限公司已致力確保心旅網頁所載的資料準確無誤,但不能保證所有資料的完整度,亦不能確保本網站的資料適用於任何人。

本網站的資訊會儘快更新以確保準繩度,但心旅心理有限公司並不保證所有資料在任何時刻都最準確,亦不會因而承擔任何責任。本網站不會為連結提供的第三方網站的任何失誤負責。

本網站的資訊僅供教育和初步參考用途,並不能代替專業診斷。如讀者有任何健康問題,應盡快尋求專業人士的協助,而不是單靠本網站所提供的資訊。心旅心理有限公司並不會對使用本網站而引致的損失或損害作出賠償,或承擔任何法律責任。

© 2024 by Wellness Travellers Psychological Services Co. All Right Reserved.

bottom of page