top of page
Search

逃出焦慮篇 004: 原來唞氣都要學?


放完年假,忙到有氣冇埞唞?


新一年放完個假,冇得拜年但抖嘅時間都唔係好夠,轉下眼又要返工返學。雖然我哋有得放假,但工作都係會繼續累積,搞到自己密密做、無停手,氣都無得唞,壓力仲大過平時?😖


原來當人緊張嘅時候,我哋嘅呼吸就會自然變得又短又快,做成有氣冇埞唞嘅感覺,仲會攪到頭腦無平時咁清晰😵‍💫。因為當呼吸太急速,我哋體內氧氣同二氧化碳量就會唔平衡,令個腦無咁好駛。姐係細個考試個腦一片空白又或者做做下present個人hang左機,都係因為我哋緊張,呼吸又短又快,令到我地頭腦唔清晰。所以要有效率又輕輕鬆鬆咁完成工作,就要記得再忙都要唞唞氣。

一字記之曰:「慢」🐢。


頭先講過緊張,呼吸就會又短又快,頭腦就會唔清晰又會覺得好大壓力,所以我哋要反其道而行,要盡力「慢慢」呼吸。


咁...要有幾慢?1分鐘5-6次呼吸就差唔多,姐係每個呼吸大約10秒鐘。最好可以吸短呼長,吸4秒,呼8秒。研究顯示用呢個速度呼吸可以有效減壓同提昇工作效率。

為左可以輕鬆收爐,快啲掃去最後一頁跟住練習喇!

 
 
 

Comentários


  • Instagram
  • Facebook
  • Whatsapp
acknowledgement line_20200316.png

​聯絡我們:

電郵:wellnesstravellers@gmail.com

電話:5375 7909 

心旅心理有限公司已致力確保心旅網頁所載的資料準確無誤,但不能保證所有資料的完整度,亦不能確保本網站的資料適用於任何人。

本網站的資訊會儘快更新以確保準繩度,但心旅心理有限公司並不保證所有資料在任何時刻都最準確,亦不會因而承擔任何責任。本網站不會為連結提供的第三方網站的任何失誤負責。

本網站的資訊僅供教育和初步參考用途,並不能代替專業診斷。如讀者有任何健康問題,應盡快尋求專業人士的協助,而不是單靠本網站所提供的資訊。心旅心理有限公司並不會對使用本網站而引致的損失或損害作出賠償,或承擔任何法律責任。

© 2024 by Wellness Travellers Psychological Services Co. All Right Reserved.

bottom of page