逃出焦慮篇001： 憂慮＝焦慮？

小編有位朋友最近喺到訴苦話佢好大壓力，事因佢同女朋友就快過第一個週年紀念，驚女朋友唔滿意個安排 (p.s. 小編都想有另一半一齊過🥲)。

老老竇竇，個個都有憂慮，唔通個個都熟悉自己嘅憂慮咩？

憂慮其實係一種本能反應，當我哋面對未知嘅時候，好自然會感到不安。而憂慮都唔一定係壞事，起碼會令我哋提前有所準備。就好似小編個朋友咁，兩個月前就已經訂咗餐廳，咁就萬無一失啦。

但過份的憂慮就會變成焦慮，令我哋持續處於擔心的狀態。焦慮會打擾我哋處理日常事務嘅能力，令我哋覺得緊張、煩躁不安、仲會影響睡眠質素，長遠就會耗盡精力，影響身心健康。但太少憂慮又唔得㗎喎，因為太少就會唔夠動力，考慮嘅時候又唔夠充足。