「每次去到好高嘅地方都好驚呀😭邊度都去唔到😭點算好呀😭」
你最驚啲咩呢？蜘蛛？畏高？狗？定係最常見嘅曱甴呀？😵💫每個人都有自己驚嘅嘢，係好正常嘅事。但當呢個恐懼對日常生活造成嚴重困擾同影響，就有機會係特定恐懼症（Specific Phobia) 😵呢個時候可能就需要搵人幫手啦❗️究竟點解每當我地見到自己驚嘅物件或場景，就會表現得咁驚慌失措呢？😱
以常見嘅畏高為例子，當我哋去到好高嘅地方時，身體通常會出現強烈嘅身體反應，例如心跳加速🫀、呼吸困難😫、頭暈😵💫等等。自然地，我地會立即逃離當時嘅環境，遠離好高嘅地方。雖然我哋離開咗令自己驚嘅環境之後，身體反應會即時減退，但對於高嘅恐懼並無減退到...😰下次我哋再去到高嘅地方嘅時候，我地仍然會覺得好驚😖因為我地冇俾機會自己感受到高嘅地方對自己嘅威脅其實唔係真係想像中咁大。
咁到底可以點處理好呢？如果你正受特定恐懼症（Specific phobia) 困擾，不妨考慮吓低密度認知行為治療😙針對特定恐懼症（Specific phobia) 嘅低密度認知行為治療名為「正視及適應」(Exposure and Habituation)。呢個治療鼓勵受特定恐懼症困擾嘅人士循序漸進停留喺自己驚嘅環境，例如畏高嘅人就停留喺一個較高嘅環境🎢當停留左一段時間，我哋會感受到強烈嘅身體反應其實會隨住時間自然下降同平復⬇️同時都會認識到事物對自己嘅威脅並無預期中咁大，而最壞嘅後果亦沒有發生，例如企喺高處並唔代表會從高處墮下🙊
Комментарии