「點解我個心好似又要跳出嚟咁㗎😭好恐怖呀😨我會唔會死㗎😫」
每個人喺緊張或焦慮嘅時候都會有強烈嘅身體反應😵💫，例如心跳加速、手震等等。但當呢啲身體反應經常冇預警地出現，我哋就會覺得呢啲身體反應好有威脅性，會嘗試避開所有會出現強烈身體反應嘅場景。當呢個驚恐對日常生活造成困擾，就有機會成為驚恐症 (Panic Disorder)。呢個時候可能就需要搵人幫手啦❗️點解驚恐嘅情況會出現呢？🤔
當身體出現強烈生理反應，例如心跳加快、透唔到氣、頭暈、想嘔等等🥴。我哋會覺得呢啲身體反應好危險，有種好驚嘅感覺，並擔心下一次驚恐特襲😟。為咗避免再次經歷呢啲具威脅性嘅身體反應，我哋會避免做運動。為免喺街上出現驚恐情況，我地亦會避免外出🙅♀️。久而久之，我地冇機會意識到原來出街同做運動都未必會出現呢啲強烈生理反應。
咁到底可以點處理好呢？如果你正受驚恐症（Panic Disorder) 困擾，不妨考慮吓低密度認知行為治療😙針對驚恐症（Panic Disorder) 嘅低密度認知行為治療名為「正視及適應」(Exposure and Habituation)。呢個治療鼓勵受驚恐症困擾嘅人士停留喺驚恐發作嘅環境。當停留咗一段時間，我哋會感受到強烈嘅身體反應其實會隨住時間自然下降同平復⬇️同時都會認識到身體反應對自己嘅威脅並無預期中咁大🙊
Comentarios