逃出焦慮篇 002： 焦慮會令你一直處於作戰mode？

大家係咪同小編一樣，臨考DSE或去面試之前非常緊張焦慮，又肚痛又心跳加速等等，搞到完全集中唔到呢？

我哋嘅情緒同身體反應係會互相影響嘅㗎～當我哋面對威脅或者壓力嘅時候，身體會自動啟動一種叫做「戰鬥或逃跑反應」(Fight-or-flight Response) 嘅自我保護機制去面對焦慮，有機會令我哋心跳加速、冒汗、視野變差、口乾、呼吸急促、腸胃不適、聽覺變差、手震同肌肉緊張等。

如果時刻都處於擔憂同焦慮嘅狀態，長遠嚟講會耗盡精力並且影響你嘅身心健康㗎！